شاسوار عەبدولواحید سەرۆکی جوڵانەوەی نەوەی نوێ ئێوارەی ئەمڕۆ شەممە لەبارەی بەشداریکردنی حزبەکەی لە حکومەت بڕیاریدا و دەڵێت، ” وەکو ئۆپۆزسیۆن دەمێنینەوە”.
شاسوار عەبدولواحید سەرۆكی جوڵانەوەی نەوەی نوێ، لە کۆنگرەیەکی ڕۆژنامەوانیدا ڕایگەیاند، ” ئه‌گه‌ر تا ڕۆژی چوارشه‌ممه‌ی داهاتوو په‌رله‌مانی كوردستان-عێراق كۆنه‌بێته‌وه و فراکسیۆنەکان بەشداری کۆبوونەوەکە نەکەن بۆ هەڵبژاردنی دەستەی سەرۆکایەتی پەرلەمان و جێگر و سکرتێری پەرلەمان، ئه‌وا محه‌ممه‌د سلێمان كه سه‌رۆكی كاتی په‌رله‌مانه ده‌ست له‌كارده‌كێشێته‌وه”.
سەبارەت بە پێکهێنانی کابینەی نوێی حکومەتی هەرێم سەرۆکی نەوەی نوێ ئاماژەی بەوە كرد، ” یەکێتی جارێک و پارتی دوو جار سەردانی کردووین، بەڵام لە کۆتا کۆبوونەوەمان لەگەڵ پارتی بڕیاریانداوە کە جگە لە پۆستی سەرۆکی هەرێم و سەرۆک وەزیران، ئامادەن گفتوگۆ لەسەر هەموو پۆستەکانی دیکە بکەن، بەڵام ئێمە بە هیچ شێوەیەک بەشداری حکومەتێک ناکەین ئەگەر دەسەڵاتمان نەبێت و نەزانین ئەو بەڵێنانەی لە کاتی بانگەشەی هەڵبژاردندا داومانە بە هاوڵاتییان جێبەجێ ناکرێن ئەوا وەکو ئۆپۆزیسیۆن دەمێننەوە و بەشداری کابینەی نوێی حکومەت ناکەین”.
شاسوار عەبدولواحید ڕاشیگەیاند، “ئاماده‌ین له‌گه‌ڵ هه‌موو حزبه‌كان جگە لە پارتی رێكبكه‌وین، ئه‌گه‌ر حزبه‌كانی دیكه ده‌یانه‌وێت كه پۆستی سه‌رۆك وه‌زیران بۆ پارتی نه‌بێت”.
لە هەڵبژاردنی خولی شەشەمی پەرلەمانی کوردستاندا کە ڕۆژی 20ـی تشرینی یەکەمی دووەمی 2024 بەڕێوەچوو، نەوەی نوێ بە 15 کورسی پلەی سێیەمی بەدەستهێنا.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
