دوای سوتاندنی بازارەکانی هەرێمی کوردستان-عێراق لەلایەن رێکخراوی تیرۆریستی پەکەکەوە، نەبەز عەبدولحەمید، قایمقامی قەزای ناوەندی ھەولێر رایده‌گه‌ێنێت: تا ئێستا زیاتر لە 120 دوکاندار و کاسبکاری بازاڕی لەنگە و قەیسەریی شاری ھەولێر دژی سووتاندنی دوکانەکانیان سکاڵای یاساییان تۆمار کردووە.
رۆژی 1ـی تەمووزی ئەمساڵ، لە کۆنگرەیەکی رۆژنامەوانیی ھاوبەشدا، ھەریەک لە عەمید میقداد میری، وتەبێژی وەزارەتی ناوخۆی عێراق و د. ھێمن میرانی، بەڕێوەبەری گشتی دیوانی وەزارەتی ناوخۆی ھەرێمی کوردستان-عێراق، ئاشکراکردنی تۆڕێکی سەر بە رێکخراوی تیرۆریستی پەکەکەیان راگەیاند کە جگە لە ئاگرتێبەردانی ژمارەیەک بازاڕ لە پارێزگاکانی هه‌رێم، ھەروەھا پلانییان ھەبووە ھێرش بکەنە سەر تۆڕەکانی کارەبا و وێستگەکانی سووتەمەنی.
ھەر لە کۆنگرە رۆژنامەوانییەکەشدا، د.ھێمن میرانی ئاماژەی بەوەدا کە زەرەرمەندان دەتوانن سکاڵای یاسایی دژی تۆمەتباران تۆمار بکەن، دواتریش ژمارەیەک لە کاسبکاران و دوکاندارانی بازاڕی قەیسەری و بازاڕی لەنگەی شاری ھەولێر کە دوکانەکانییان سووتێنرابوو، سکاڵای یاساییان دژی ئەو گرووپە تۆمار کرد و تا ئێستاش سکاڵا تۆمارکردن بەردەوامە.
نەبەز عەبدولحەمید، قایمقامی قەزای ناوەندی ھەولێر لەمبارەیەوە بۆ ئاژانسی ئانادۆڵو وتی: تا ئێستا زیاتر لە 120 دوکاندار و کاسبکاری بازاڕی لەنگە و قەیسەریی شاری ھەولێر دژی سووتاندنی دوکانەکانیان لە لایەن پەکەکەوە، سکاڵای یاساییان تۆمار کردووە.
ئەمە لە کاتێکدایە کە لەسەرەتای ئەمساڵەوە ئاگر لە چەند بازاڕێکی شاری ھەولێر کەوتەوە و بەھۆیەوە زیانێکی زۆر بە کاسبکاران کەوت و بەشێک لە بازاڕەکان تا ئێستاش لە ژێر نۆژەنکردنەوەدایە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
