وتەبێژی وەزارەتی کۆچ و کۆچبەرانی عێراق رایگەیاند، 30ی مانگی تەمموز پشتیوانییەکانی حکومەتی عێراق بۆ کەمپی ئاوارەکان رادەگیرێت، ئێستاش هەلێک لە بەردەم خێزانە ئاوارەکان هەیە تاوەکو کەمپەکان چۆڵ بکەن و لە بەرامبەردا بڕی چوار ملیۆن دینار وەربگرن.
عەلی عەباس وتەبێژی وەزارەتی کۆچ و کۆچبەرانی عێراق بە ئاژانسی هەواڵی عێراقی راگەیاند، لە 30ی مانگی تەمموزی ئەمساڵ پشتیوانی حکومەتی عێراقی بۆ کەمی ئاوارەکان دەوەستێت، بڕی ئەو چوار ملیۆن دینارەشی کە هەر بۆ خێزانێکی ئاوارە لە ئەگەری گەڕانەوەی دابینکراوە، رادەگیرێت.
ئاماژەی بەوەشکرد، لە ئیستادا هەلێک لەبەردەم خێزانە ئاوارەکان هەیە کە ئەو بڕە پارەیە وەربگرن و بگەرێنەوە بۆ ناوچەکانیان، یاخود بچنە دەرەوەی کەمپەکان، ئەو بڕە پارەیەش تەواوی ئەو ئاوارانە دەگرێتەوە کە لەم دواییانە دێنە دەرەوەی کەمپەکان، جا کەمپەکانی پارێزگای نینەوا بێت یان کەمپەکانی پارێزگای سەڵاحەدین و سلێمانی.
پێشتر لەسەر راسپاردەی محەمەد شیاع سوودانی سەرۆک وەزیرانی عێراق، وەزارەتی کۆچ و کۆچبەران رۆژی 30ی مانگی تەمموزی ساڵی 2024ی وەک دوا وادە بۆ داخستنی سەرجەم کەمپی ئاوارەکان لە عێراق و هەرێمی کوردستان-عێراق دیاری کرد.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
