كۆمسیۆنی هەڵبژاردنەكانی عێراق دەڵێت، لەھەرێمی كوردستان نزیكەی سێ ملیۆن و هەشت سەد هەزار دەنگدەر مافی بەشداریكردنیان لەھەڵبژاردنی پەرلەمانی كوردستاندا ھەیە و پێنجی ئاداریش دوا وادەی نوێكردنەوەی كارتی بایۆمەتری دەنگدانە.
جومانە غەلای، گوتەبێژی كۆمسیۆنی باڵای سەربەخۆی هەڵبژاردن و راپرسی عێراق لە لێدوانێكیدا رایگەیاند، پێنجی ئادار وادەی نوێكردنەوەی بایۆمەتری كۆتایی دێت و ئەگەری نوێكردنەوەی نییە، بۆیە داوا دەكەین هاووڵاتییان پەلە بكەن لەو ماوەیەدا و بەخێرایی ناوی خۆیان تۆمار بكەن تا بتوانن بەشداری دەنگدان بكەن.
باسی لەوەشكرد، تەنها ئەو كەسانەی كارتی بایۆمەتریان هەیە و تۆماری دەنگدانیان نوێ كردووەتەوە بۆیان هەیە دەنگ بدەن.
ئەوە لە كاتێكدایە كۆمسیۆنی هەڵبژاردنەكانی عێراق، مانگی حوزەیرانی بۆ ئەنجامدانی هەڵبژاردنی پەرلەمانی كوردستان پێشنیاز كردووە و چاوەڕێیە سەرۆكایەتیی هەرێمی كوردستان رۆژی هەڵبژاردنەكە دیاری بكات.
بەگوێرەی نوێترین ئاماری دەزگای ئاماری عێراق، ژمارەی دانیشتووانی هەرێمی كوردستان شەش ملیۆن و سێ هەزار و پێنجسەد وپەنجا و چوار كەسن كە لەو ژمارەیەش سێ ملیۆن و حەوسەد و هەشتا ونۆ ھەزار و چوارسەد وپێنج دەنگدەر مافی بەشداریكردنیان لەھەڵبژاردنی پەرلەمانی كوردستاندا ھەیە .
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
