وتەبێژی حکومەتی عێراق راگەیەندراوێکی لەبارەی هێرشەکەی سەر سنوری سوریا و ئوردن دەرکرد و دەڵێت بەداخەوە چاودێری پەرەسەندنی ئاڵۆزییەکانی ناوچەکە دەکەین.
باسم عەوادی وتەبێژی حکومەتی عێراق ئەمڕۆ دووشەممە راگەیەندراوێکی بڵاوکردەوە و ئاماژەی بەوەکردووە، بەداخێکی زۆرەوە چاودێری ئەو پەرەسەندنە بەردەوامانەی ناوچەکە دەکەین، لەناویشیاندا بەتایبەت ئەو هێرشەی کرایە سەر هێزەکانی ئەمریکا لە سنووری سووریا و ئوردن.
ئاماژەی بەوەشکردووە، لە کاتێکدا عێراق داوای راگرتنی توندوتیژی و گرژییەکان دەکات، ئامادەیی خۆی دووپاتدەکاتەوە بۆ کارکردن لەسەر رێگری لە فراوانبوونی بازنەی ململانێکان.
باس لەوەشکراوە، کاردانەوەکانی ئەم پێشهاتانە هەڕەشە لە ئاشتی و ئاسایشی ناوچەیی و نێودەوڵەتی دەکەن، هەوڵەکان بۆ بەرەنگاربوونەوەی تیرۆر و ماددە هۆشبەرەکان تێکدەدەن، بازرگانی و ئابووری و دابینکردنی وزە دەخاتە مەترسییەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
