ئەمڕۆ چوارشەممە، تەیف سامی لە میانەی کۆبوونەوەی لیژنەی دارایی پەرلەمان بە ئامادەبوونی شاندی حکومەتی هەرێم رایگەیاند ، ئەو هەژمارە بانکییەی کە هەرێم لەسەر بنەمای پابەندبوون بە دانانی داهاتەکان کردییەوە، هیچ بڕە پارەیەکی تێدا دانەنراوە، و بڕیارە پێداچوونەوە بۆ ڕێکارەکانی وەزارەتی دارایی سەبارەت بە وردەکارییەکانی پەیوەست بە ماددە تایبەتەکانی هەرێم لە چوارچێوەی یاسای بودجەی فیدراڵیدا بکرێت.
لەو بارەیەوە عەمار مەشهەدانی سەرۆکی دیوانی وردبینی عێراق ئەوەی خستەڕوو، دیوان چەند رێکارێک بۆ بەدواداچوون بۆ ئەو داتایانە دەگرنە بەر کە هەرێم پێشکەشی کردووە و سبەینێ راپۆرتێک سەبارەت بە وردبینیکردنی تەواوی داتاکان پێشکەش دەکرێت.
لە میانی کۆبوونەوەکەدا ئەندامانی لیژنەی دارایی تیشکیان خستە سەر بڕی کۆی داهاتی نەوت و غەیرە نەوت و دەروازە سنوورییەکان کە بەدەست هاتوون، خەرجی راستەقینە و رادەی پابەندبوونی هەرێم بە جێبەجێکردنی بڕگەکانی بودجە، جگە لە گفتوگۆکردن لەسەر پرسی فەرمانبەرانی هەرێم، و چۆن مووچەکانیان لە بانکەکاندا یەکلایی بکەنەوە کە لەلایەن بانکی ناوەندییەوە پەسەندکراون، لەوێ جەخت لەوە کراوەتەوە کە دانیشتنێک ئەنجام بدرێت بۆ گەیشتن بە چارەسەرەکان.
ئەمەش لەکاتێکدایە، دوێنێ سێشەممە، شاندێکی حکومەتی هەرێم بە مەبەستی گفتوگۆ لەسەر بابەتی موچەی موچەخۆرانی هەرێم و لیستی موچەخۆران سەردانی بەغدایان کرد و لەگەڵ لیژنەی دارایی پەڕلەمانی عێراق کۆبوونەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
