ئەندامێکی لیژنەی نەوت و گاز لە پەرلەمانی عێراق رایگەیاند، پشتیوانی لە بەرزکردنەوەی ئاستی بەرهەمهێنانی نەوت دەکەن و پێشبینی دەکرێت تا ساڵی 2027 رێژەی بەرهەمهێنانی نەوت بگاتە هەشت ملیۆن بەرمیل نەوتی رۆژانە و دەشڵێت، “هەوڵدەدرێت بۆ ئەوەی لە کەرتی غازدا بگەنە ئاستی خۆبژێوی.”
زەینەب موسەوی ئەندامی لیژنەی نەوت و گاز لە پەرلەمانی عێراق رایگەیاند:پشتیوانی دەکەن لە پلانی زیادکردنی ئاستی بەرهەمهێنانی نەوت بۆ هەشت ملیۆن بەرمیل لە رۆژێکدا و پێشبینی دەکرێت تاوەکو ساڵی 2027 بگەن بەو ئامانجە.
ئاماژەی بەوەشکرد، لە هەوڵدان بۆ ئەوەی لە بەرهەمهێنانی غازی سروشتی بگەن بە ئاستی خۆبژێوی، لە ئێستادا ناچارن بۆ دابینکردنی پێداویستییەکانی بەرهەمهێنانی کارەبا، غاز لە وڵاتانی دیکە هاوردە بکەن.
ئەوەشی خستەڕوو، چاوەڕێ دەکەن لە ماوەی داهاتوو وەبەرهێنەری گەورە بەشداری لە کەرتی پاڵاوتنی نەوتی عێراق بکەن بۆ ئەوەی لە رێگەیەوە سووتەمەنی هاوڵاتیان دابین بکرێت و نرخەکەی کەم کرێتەوە.
لە ماوەی رابردوو محەمەد شیاع سودانی سەرۆک وەزیرانی عیراق رایگەیاند، کەلوپەلە دزراوەکانی پاڵاوگەی بێجییان گەڕاندووەتەوە و بەم زووانە ئەو پاڵاوگەیە دەست بە کار دەکاتەوە و پێویستیان بە هاوردەی سووتەمەنی نامێنێت.
پێشتریش پاڵاوگەی کەربەلا کرایەوە و بەپێی زانیارییەکانی وەزارەتی نەوتی عێراق ئەگەر هاتوو ئەو پاڵاوگەیە لە بەرزترین ئاستدا کاربکات ئەوا ٪60ـی سووتەمەنی عێراق دابین دەکات.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
