کۆشکی سپی رایگەیاند، جۆو بایدن، سەرۆکی ئەمریکا لەسەر کەوتنەخوارەوەی فڕۆکەکەیەک لە مۆسکۆ ئاگادارکراوەتەوە کە 10 کەس گیانیان لەدەستدا و یەڤگینی پریگۆژین، سەرۆکی گرووپی چەکداری ڤاگنەر لە لیستی سەرنشینانی فڕۆکەکەدا بووە.
بەگوێرەی تۆڕی هەواڵی CNN، کۆشکی سپی لەسەر رووداوی کەوتنەخوارەوەی فڕۆکەکە باسی لەوەکردووە، “نابێت ئەو ڕووداوە بۆ هیچ کەسێک ببێتە شتێکی سەرسوڕهێنەر”.
ئادرین واتسۆن، وتەبێژی ئەنجومەنی ئاسایشی نیشتمانی کۆشکی سپی ڕایگەیاند، “نابێت کەس سەرسام بێت” ئەگەر دەربکەوێت کە پریگۆژین لەناو ئەو فڕۆکەیەدا بووە کە ئەمڕۆ چوارشەممە لە ڕووسیا کەوتە خوارەوە.
ئەوەشی خستەڕوو، شەڕە کارەساتبارەکەی ئۆکرانیا بووەهۆی ڕێپێوانێکی سوپای تایبەت بۆ ناو مۆسکۆ و ئێستاش بە ڕواڵەت ئەمە ڕوودەدات.
میدیا فەرمییەکانی ڕووسیا بڵاویانکردەوە، ناوی یەڤگینی پریگۆژین، سەرۆکی گرووپی چەکداری ڤاگنەری ڕووسیا لە لیستی سەرنشینانی ئەو فڕۆکە تایبەتەدا بووە کە لە باکووری مۆسکۆ کەوتووەتە خوارەوە.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
پاکستان… لە رووداوێکی هاتووچۆدا نزیکەی 60 کەس بوونە قوربانی
5
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
