ئێوارەی ئەمڕۆ بەهای دۆلار لەكاتی داخستنی بازاڕی دراودا بە بەراورد بە بەیانی كەمێک بەرزبوونەوەی بەخۆوە بینی.
لەكاتی داخستنی بازاڕی دراو، بەهای 100 دۆلار بە 140 هەزار و 700 دینار مامەڵەی پێوەكرا و لە كاتێكدا بەیانی ئەمڕۆ بەهای 100 دۆلار بە 139 هەزار و 750 دینار مامەڵەی پێوەكرا.
ئەمڕۆ یەكشەممە، بانكی ناوەندیی عێراق، بڕی 171 ملیۆن دۆلاری خستەبازاڕەوە و ئەوەش كاریگەری لەسەر دابەزینی بەهای دۆلار بەرامبەر دینار هەبووە، پێشتریش بانكی ناوەندیی عێراق رایگەیاند، “بە گرتنەبەری چەند ڕێوشوێنێك بەهای دۆلار بەرامبەر دینار دادەبەزێت”.
