بەپێی رێنمایی دارایی ژمارە (2) کە لە 20 ئازاری 2023 دەرچووە و لە رۆژنامەی وەقایعی کوردستان بڵاوکراوەتەوە، سندوقێک بۆ کۆکردنەوەی داهاتی سزای ماددە هۆشبەرەکان دادەمەزرێت.
وه‌زاره‌تی دارایی و ئابووری حكومه‌تی هه‌رێمی كوردستان له به‌یاننامه‌یه‌كدا بڵاویكرده‌وه، بەپێی ماددەی (45) لە یاسای ماددە هۆشبەرەکان و کارتێکەرە عەقڵیەکان ژمارە (1) ی ساڵی (2020) بڕیاردرا بەدامەزراندنی سندوقێک بەناوی سندوقی ماددە هۆشبەرەکان و کارتێکەرە عەقڵیەکان پارەدار دەکرێت لەو سزاو پێبژاردنانەی کەلەیاساکەدا دەقی لەسەر نوسراوە و لەسەرجەم دام و دەزگاکانی حکومەتی هەرێم لەو سندوقە سپاردە دەکرێت.
ئاماژەی بەوەشکردووە، بەپێی بڕگەیەکی رێنماییەکە پارەی ناو سندوقەکە تەنها بۆ ئەو دامەزراوە تەندروستیانە خەرج دەکرێت کە لە ماددەی 38 یاساکەدا هاتووە و بۆ هیچ مەبەستێکی تر خەرج ناکرێت.
وه‌زاره‌تی دارایی و ئابووری ده‌ڵێت، هەروەک لە بڕگەیەکی تردا هاتووە ئەو بڕە پارانەی بەپێی یاسا وەردەگیرێت بۆ مەبەستی سندوق دەکرێتە داهاتی کۆتایی بۆ گەنجینەی حکومەتی هەرێم و راستەوخۆ دەکرێتە سەر هەژماری سندوقەکە.
ئەوەش هاتووە، لێژنەی باڵا دەسەڵاتی خەرجکردنی بڕی تەنها یەک ملیۆن دیناری هەیە بۆ ئەو لایەنەی کە ماددە هۆشبەرەکە دەستگیر دەکات.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
