دوو بوومەلەرزەی دیکە لە پارێزگای مەراش روویدا

1

لایک

0

لە پارێزگای مەراشی تورکیا لەماوەی کاتژمێرێکدا دوو بوومەلەرزە بەگوڕەکانی 4.6 و 4.7 پلە بە پێوەری رێختەر روویاندا.

سەرۆکایەتیی ئیدارەدانی کارەسات و باری لەناکاو تورکیا (ئافاد) رایگەیاند، بەیانی ئەمڕۆ چوارشەممە کاتژمێر 10:36 خولەک بوومەلەرزەیەک بە گوڕی 4.7 پلەی رێختەر لە پارێزگای مەرەش تۆمارکرا. چەقی بوومەلەرزەکە شارۆچکەی گۆکسون بووە و لە قووڵایی 15.8 کیلۆمەتر تۆمارکراوە.

پارێزگای مەراش چەقی بوومەلەرزە 7.7 پلەییەکەی 6ی شوباتی 2023ـیە کە 10 پارێزگای تورکیای گرتەوە. کە بەگوێرەی ئامارەکان، 35 هەزار و 418 کەس لە تورکیا گیانیان لەدەستداوە و 105 هەزار و 505 کەسی دیکەش برینداربوون.