وەزارەتی سامانە سرووشتییەکان رایگەیاند، ئه‌مڕۆ 60 تانكه‌ر نه‌وتی سپی له به‌غدادەوه گه‌یشته هه‌رێم.
ئه‌مڕۆ شه‌ممه 28ـی كانوونی دووه‌می 2023، وه‌زاره‌تی سامانه سرووشتییه‌كانی حكومه‌تی هه‌رێم، راگه‌یه‌ندراوێكی بڵاوكرده‌وه، تیایدا هاتووه، “دوای سەردانەکەی سەرۆکی حکومەتی هەرێمی کوردستان بۆ بەغدا، ئەمڕۆ حکومەتی فیدراڵ (60) تەنکەر نەوتی سپی بۆ هەرێمی کوردستان نارد”.
ئاماژەی بەوەشکردووە، “ناردنی ئەم 2 ملیۆن لیترەی نەوتی سپی لەسەر داوای هیچ لایەنێکی سیاسی نەبووە، بە بەراورد لەگەڵ زیاتر لە 254 ملیۆن لیتر پێداویستیی ناوخۆیی هەرێم، بڕێکی زۆر کەمە، کە بۆ دابینکردنی بەرمیلێکی نەوت بۆ هەر ماڵێک ( 1ملیۆن و 274 هەزار خێزان) پێویسته”.
وەزارەتی سامانە سرووشتییەکان روونیشیكرده‌وه، تا ئێستا زیاتر لە (64) ملیۆن لیتر نەوتی سپی بە نرخی پاڵپشتیکراو لە ناوچە شاخاوییەکان دابەشكراوه و ئەم (2) ملیۆن لیترەش بە هەماهەنگی لەگەڵ پارێزگاکان و ئیدارە سەربەخۆکان بێ بەرامبەر بەسەر خەڵکی هەژار و کەمدەرامەت دابەش ده‌كرێت، کە هاوکاتە لەگەڵ تەواوبوونی پرۆسەی دابەشکردنی نەوتی سپی لە ناوچە شاخاوییەکان و دەستپێکردنی لە ناوچەکانی دەوروبەر.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
