سەرۆكوەزیرانی عێراق جەختدەکاتەوە لەوەی وڵاتەکەی پێویستی بە هێزی سەربازیی بیانیی نییە بۆ پاراستنی ئاسایش و بەردەوامیش دەبێت پێداچوونەوە بە پەیوەندییەکانیان لەگەڵ هاوپەیمانی نێودەوڵەتی بکەن.
محەمەد شیاع سوودانی، سەرۆكوەزیرانی عێراق پێش سەردانە چاوەڕوانکراوەکەی بۆ فەڕەنسا، وتارێکی لە رۆژنامەی لۆمۆند بڵاوکردەوە.
لە بەشێکی وتارەکەدا باسی لە پرسی توانای هێزەکانی عێراق و خواستی پتەوکردنی پەیوەندی سەربازیی لەگەڵ فەڕەنسا کرد و تێیدا هاتووە، “عێراق خوازیاری پتەوکردنی هاریکاریی سەربازی و ئەمنییە لەگەڵ فەڕەنسا، ئەمەش لەگەڵ ئامانجی بەرزکردنەوەی توانای هێزە ئەمنییەکانمان یەکدەگرێتەوە”.
سوودانی راشیگەیاند، عێراق پێویستی بە هێزی شەڕکەری بیانیی نییە، بەڵکو بوونی هێزی راوێژکاریی، پێداویستییەکانی لە رووی مەشق و دابینکردنی چەک پڕ دەکاتەوە، ئەمەش بەو مانایە دیت کە پێویستە بەردەوام بە پەیوەندییەکانیان لەگەڵ هاوپەیمانی نێودەوڵەتی بچینەوە.
سەرۆكوەزیرانی عێراق ستایشی فەڕەنساشی کرد کە لە کاتی جەنگی داعش و بە تایبەتیش رزگارکردنی موسڵدا، لە ریزی پێشەوەی ئەو وڵاتانە بووە کە هاوکاریی عیراقیان کردووە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
