پۆلیسی هەولێر(ئەربیل) رایگەیاند، تەرمی کەسێکیان لە بناری چیای سەفین دۆزیوەتەوە و دوو کەسیش بە تۆمەتی کوشتنی ئەو کەسە دەستگیرکراون.
بەرێوەبەرایەتی پۆلیسی پارێزگای ھەولێر لە روونکردنەوەیەکدا ئاماژەی بەوەداوە “دوای ئاگادار کردنەوەی بەڕێوەبەرایەتی پۆلیسی پارێزگای ھەولێر بە بێسەروشوێن بوونی کەسێک بەناوی (بێستون حەوێز بەکر) لەلایەن بنەماڵەکەیەوە کە له (2023/1/7)لە ماڵەوە دەرچووە و نەگەڕاوەتەوە و بڕی (50000) ھەزار دۆلاری ئەمەریکیشی پێ بووە، تیمێک لە ھێزەکانی بەڕێوەبەرایەتی پۆلیسی پارێزگای ھەولێر پێکھێنرا بە مەبەستی بەدواداچوون بۆ کەسی ونبوو لە رێکەتی (2023/1/16) تەرمی ناوبراو دۆزرایەوە لە بناری چیای سەفین لە گوندی قەراسنجی سەروو”.
پۆلیسی هەولێر ئەوەشی ئاشکراشکرد، “لە دەرئەنجامی لێکۆڵینەوەی ھێزەکانمان دوو تۆمەتبار دەستگیرکران و پەراوی لێکۆڵینەوەیان بۆ رێکخرا و رەوانەی بەردەم دادوەری لێکۆڵینەوەی ھەولێر کراوە، بۆ تەواوکردنی لێکۆڵینەوەکە”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
