ئەمڕۆ چوارشەممە، لێژنەی دەستپاکی فیدڕاڵی رایگەیاند، دوو ئەفسەری پلە باڵا لە دیوانیە بە تۆمەتی وەرگرتنی بەرتیل لەکاتی کۆبوونەوە بۆ جێبەجێکردنی کارێک، دەستگیرکران.
لێژنەی دەستپاکی لە بەیاننامەیەکدا ئاشکرایکرد، “لەبارەی قسەکردن لەسەر وردەکاری ئەو دەستبەسەرداگرتنەی کە بە فرمانی دادوەری ئەنجامدراوە، فەرمانگەی لێکۆڵینەوەی کۆمیسیۆن لە دیوانیە تیمێکی کاری پێکهێناوە بۆ لێکۆڵینەوە و بەدواداچوونی ئەو زانیارییانەی لەلایەن فەرمانگەوە بەدەست گەیشتوون کە دوو ئەفسەر لە بنکەی پۆلیسی پارێزگای دیوانیە هاووڵاتیەکیان ناچارکردووە پارەیان پێبدات لە بەرامبەر جێبەجێکردنی یەکێک لە کارەکانیان”.
ئەوەش هاتووە، “تیمەکە دوای تەواوکردنی ئۆپەراسیۆنەکانی لێکۆڵینەوە و سەلماندنی رەوایەتیی ئەو زانیارییانەی بەدەست گەیشتوون، هەستان بە دانانی کەمێنێک لە یەکێک لە چێشتخانەکانی پارێزگاکە و لەمیانی وەرگرتنی بەرتیل دەستگیریان بکەن”.
دوای لێکۆڵینەوەکان دەرکەوت، کە یەکێک لە تۆمەتباران ئەفسەرە بە پلەی عەقید و لە یەکێک لە بەڕێوەبەرایەتییەکانی پۆلیسی ئەو پارێزگایە کاردەکات، ئەوەی دووەمیش ئەفسەرە بە پلەی نەقیب و وەکو ئەفسەری لێکۆڵینەوە لە هەمان بەڕێوەبەرایەتی کاردەکات.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
