ئەنجومەنی وەزیرانی عێراق لە کۆبوونەوەی ئەمڕۆیدا داواکارییەکی لە مێژینەی سێ هەزار و 193 فەرمانبەری گرێبەستی کۆمسیۆنی باڵای سەربەخۆی هەڵبژاردنەکانی پەسەندکرد و کران بە میلاکی هەمیشەیی، هەروەها ئەنجومەنی وەزیران دامەزراندنی وانەبێژانیشی پەسەندکرد.
ئەنجومەنی وەزیرانی عێراق ئەمڕۆ سێشەممە بە سەرۆکایەتی محەمەد شیاع سوودانی، سەرۆکی ئەنجومەنەکە کۆبووەوە و گفتوگۆی لەسەر دۆخی ئەمنی وڵات کرد، بڕیاریشیدا پلەی خانەنشینی سەرجەم فەرمانبەرانی وەزارەتەکان لە بودجەی ساڵی 2023ـدا جێگەیان بۆ بکرێتەوە، هەروەها دامەزراندنی 11 هەزارو 31 فەرمانبەری گرێبەستی سەر بە وەزارەتی نەوت و ئەنجامدانی گرێبەستی بۆ 11 هەزارو 702 کەسی دیکەی لەسەر میلاکی هەمان وەزارەت پەسەند کرد.
ئەنجومەنی وەزیران بڕیاریدا گرێبەستی 3 هەزارو 193 فەرمانبەری دیکەی گرێبەست لە کۆمسیۆنی باڵای سەربەخۆی هەڵبژاردنەکانیش بکرێن بە هەمیشەیی و لە بودجەی ساڵی تازەدا جێگەیان بۆ بکرێتەوە، هەروەها بڕیاردرا سەرجەم وانەبێژانی سەر بە وەزارەتی پەروەردەش بکرێن بە هەمیشەیی.
لە بڕیارێکی دیکەی کۆبوونەوەی ئەمڕۆی ئەنجومەنی وەزیراندا هاتووە، سەرجەم خانوو و زەوییەکانی شنگال تاپۆ دەکرێن کە بەهۆی سیاسەتی پێشووی حکومەتی بەعسی رووخاو لە ساڵی 1975ـەوە رێگری کرابوو لەوەی یەزیدییەکان زەوییەکان تاپۆ بکەن.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
