محەمەد شیاع سوودانی، سەرۆکوەزیرانی عێراق بڕیاری کاراکردنەوەی لێژنەی لێکۆڵینەوە لە کوژران و بریندارکردنی خۆپیشاندەرانی دەرکرد، لەسەر بنەمای بڕیارەکە لێژنەکەش کارەکانی خۆی دەستپێدەکاتەوە.
نووسینگەی راگەیاندنی سەرۆکوەزیرانی عێراق ئەمڕۆ هەینی بڵاویکردەوە، محەمەد شیاع سوودانی بڕیارێکی بۆ کاراکردنەوەی فرمانی دیوانی ژمارە (293) دەرکرد، کە تایبەتە بە لێژنەی لێکۆڵینەوە لە کوژران و بریندارکردنی خۆپیشاندەران.
ئاماژە بەوەشکراوە، لەئێستادا لێژنەکە دووبارە کارەکانی خۆی دەستپێکردووەتەوە و کاریش دەکرێت بۆ قەرەبووکردنەوەی خێزانی کوژراوەکان و تێچووی چارەسەری سەرجەم بریندارەکان.
ئەمە لەکاتێکدایە شەوی چوارشەممەی رابردوو لە پارێزگای زیقاڕ خۆپیشاندانی ناڕەزایی هاووڵاتیان بەڕێوەچوو و بەهۆی رووبەڕووبوونەوەشیان لەگەڵ هێزە ئەمنییەکان، سێ خۆپیشاندەر کوژران و 21 کەسی دیکەش برینداربوون.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
