ئیلۆن مەسك نازناوی دەوڵەمەندترین پیاوی جیهانی لە بەرژەوەندیی خاوەنكارێكی فەرەنسی لەدەستدا.
گۆڤاری فۆڕبس بڵاویكردەوە، ئیلۆن مەسک-ی ملیاردێر كە خاوەنی تویتەر و تێسلا-یە ئەمڕۆ نازناوی دەوڵەمەندترین پیاوی جیهانی لەدەستدا دوای لەئەستۆگرتنی قەرزێكی گەورە بۆ كڕینی تۆڕە كۆمەڵایەتییەكە و فرۆشتنی پشكەكانی كۆمپانیای ئۆتۆمبێلە كارەباییەكانی لەپێناو تەواوكردنی گرێبەستی كڕینی تویتەر كە بەهاكەی دەگاتە 44 ملیار دۆلار.
گۆڤارەكە ئاشكراشیكرد، بێرنارد ئەرنۆ-ی فەرەنسی و سەرۆكی جێبەجێكاری براندی بەناوبانگی لویس ڤیتۆن بووەتە دەوڵەمەندترین پیاوی جیهان بە سامانی كەسییەكەی كە دەگاتە 185.4 ملیار دۆلار.
