ئەمڕۆ یەکشەممە 04-12-2022، فوئاد حوسێن، وەزیری دەرەوەی عێراق رایگەیاند، وڵاتەکەی 18 هەزار پارچەی شوێنەواری بەقاچاغبراو بۆ وڵاتانی دیکەی گەڕاندووەتەوە عێراق، جەختیشی کردووەتەوە کە پێویستە میکانیزمێک بۆ کەمکردنەوەی تێکدان و وێرانکردن و قاچاخچێتی سامانی مرۆڤایەتی دابنرێت.
فوئاد حوسێن، وەزیری دەرەوەی عێراق وتارێکی لە دەستپێکی شەشەمین خولی سەکۆی شارستانیەتی کۆنی عێراق پێشکەشکرد کە ئەمڕۆ لە بەغدادی پایتەخت بە بەشداری ژمارەیەک لە نوێنەری وڵاتی عەرەبی و نوێنەری ئەمینداری گشتی نەتەوە یەکگرتووەکان بەڕێوەچوو.
وەزیری دەرەوەی عێراق وتیشی، بەڕێوەچوونی ئەم کۆڕە بەرجەستەکردنی رێبازێکی دیپلۆماسییە بۆ بەهێزکردنی هاوبەشی ستراتیژی و هەماهەنگی بەردەوام بۆ پشتیوانیکردنی هەوڵە جیهانییەکان بۆ بەرەنگاربوونەوەی جیهانیی لەبوارە جیاجیاکاندا و بەشداریکردن لە بەدیهێنانی گەشەسەندنی بەردەوام.
جەختی لەوەشکردەوە، لە ماوە جیاوازەکاندا عێراق خراوەتەبەر دزی و بەقاچاغبردنی ئەو پارچە مێژووییانەی کە زامنیی دێرینییە، تەنها موڵکی عێراق نییە بەڵکو نیشانەی بەرجەستەیی دەوڵەمەندکردنی هەموو مرۆڤایەتییە.
ئەوەشی خستەڕوو، لەمیانی ساڵانی رابردوودا، رێکخراوی تیرۆریستی داعش قەبارەیەکی گەورەی وێرانکاری و لەناوبردنی شوێنەواری مێژووییان لە عێراق ئەنجامدا، بەڵام ئەمڕۆ توانیمان 18 هەزار پارچەی مێژوویی بگەڕێنینەوە خاکی وڵات ئەمەش بە هەماهەنگی لەگەڵ هاوبەشانی عێراق.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
