هێڵی فڕۆکەوانیی کەنداوی بەحرەینی لە راگەیەندراوێکدا ئاماژەی بەوەکردووە، لەمیانی گەشتێکیان لە بەحرەینەوە بۆ پاریس بەهۆی تێکچوونی تەندروستیی یەکێک لە ئەندامانی هێڵەکەوە رێڕەوەکەی گۆڕدراوە و بە ناچاریی لە هەولێر(ئەربیل) نیشتووەتەوە.
ئەمڕۆ سێشەممە 22ـی تشرینی دووەمی 2022، هێڵی فڕۆکەوانیی کەنداوی بەحرەینی رایگەیاند “بڕیار بووە ئەمڕۆ گەشتی ژمارە GF19ـەیان لە فڕۆکەخانەی بەحرەینەوە بەرەو فڕۆکەخانەی دەیگوول لە پاریس بەڕێبکەوێت، بەڵام کارمەندێکیان تووشی جەڵتەی دڵ دەبێت و بەهۆیەوە لە فڕۆکەخانەی هەولێر فڕۆکەکە دەنیشێتەوە”.
فڕۆکەی هێڵی کەنداوی بەحرەینی سەرەخۆشیی لە کەسوکاری ئەو کارمەندەیان دەکات و دەڵێت، دواتر “لە گەشتەکەیان بەرەو پاریس بەردەوام بوون”.
جێی باسە، ئەمڕۆ فڕۆکەیەک لە بەحرەینەوە بەرەو پاریس بەڕێکەوتووە، بەڵام کاتژمێر 03:55 خولەک بەهۆی جەڵتەی دڵی کارمەندێکیان کە خەڵکی بەحرەینە لە فڕۆکەخانەی هەولێر نیشتووەتەوە.
ئەو کەسەی گیانی لەدەستداوە ناوی (یاسر ساڵح)ـە و کارمەندی بەشی پێشوازی بووە. لە ئێستاشدا تەرمەکەی لە پزیشکی دادی هەولێرە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
