وتەبێژی پۆلیسی هەولێر(ئەربیل) رایگەیاند، شەوی رابردوو رووداوێکی کوشتن روویداوە، دوای لێکۆڵینەوەکانیان بۆیان دەرکەوتووە ئەو پیاوە لەلایەن ژنەکەیەوە کوژراوە، دواتر لە گەرماوی ماڵەکەیدا نەوتی پێدا کردووە و سووتاندوویەتی.
بەپێی وتەی هۆگر عەزیز، وتەبێژی پۆلیسی پارێزگای هەولێر، ئەو پیاوەی کوژراوە کوردە و ناوی (ئەحمەد جەواد)ـە تەمەنی 43 ساڵان بووە، خەڵکی هەولێرە و فەرمانبەری وەزارەتی رۆشنبیریی حکومەتی هەرێم بووە. ژنەکەیشی بە رەچەڵەک عەرەبە. ماوەی حەوت ساڵە ژیانی هاوژینییان پێکهێناوە و خاوەنی دوو منداڵن و ژنەکەش تەمەنی 29 ساڵانە و ناوی (د.غ.م)ـە.
ئاشکراشیکردووە، دوای هەشت کاتژمێر لە لێکۆڵینەوە بۆیان دەرکەوتووە ژنەکە بە چەکوش پیاوەکەی کوشتووە دواتر سوتاندوویەتی و ماڵەکەی جێهێشتووە و دواتر لە کاتی گەڕانەوەیدا بە دراوسێکانی وتووە هاوسەرەکەی خۆی سوتاندووە.
باسی لەوەشکرد، ئەو پیاوە و هاوسەرەکەی کێشەی خێزانیان هەبووە و تووشی دەمەقاڵێ بوون و لەو کاتەدا هاوسەکەی هێرشی کردووەتە سەر پیاوەکە و کوشتوویەتی.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
