بەڕێوەبەرایەتیی ئاسایشی رۆژئاوای سلێمانی دەستگیرکردنی چوار تۆمەتبار رادەگەیێنێت کە سێ لە تۆمەتبارەکان لە دوو مزگەوت و چەند شوێنێکی دیکە دزییان کردووە و تۆمەتبارێکی دیکەش ماتۆڕسکیلی دزیوە و پاش پارچە پارچەکردنی ماتۆڕسکیلەکە ویستوویەتی لە بازاڕدا بیفڕۆشێتەوە.
بەپێی راگەیەندراوێکی ئاسایشی رۆژئاوای سلێمانی کە ئەمڕۆ چوارشەممە 29-09-2022 بڵاویکردووەتەوە، سێ لە تۆمەتبارەکان بەناوی (د،و،ع)، (م،ج ،ح) و (ھ ،ھ، ئ) “دانیشتووی ناحیەی تەکیەی کاکەمەندن لە سنووری قەزای چەمچەماڵ کە باندێکی دزیکردنیان پێکهێنابوو لە سلێمانی و دزییان لە چەند مزگەوت و شوێنی دیکە کردووە.
ئەو شوێانەی کاری دزیان تیادا ئەنجامداوە:
لەکاتی لێکۆڵینەوەدا یەکێک لە تۆمەتبارەکان ئاشکرای کردووە کە “لەلایەن تۆمەتبار (ھ،ھ ئ) دەستدرێژی سێکسیی کراوەتەسەر”.
یەکێکی دیکە لە تۆمەتبارە دەستگیرکراوەکان، ماتۆڕسکیلی هاونیشتمانییانی دزیوە و ویستوویەتی پارچەکانی لە بازاڕدا بفرۆشێتەوە.
ئاسایشی سلێمانی دەڵێ، هێزەکانیان لە بەڕێوەبەرایەتیی ئاسایشی رۆژئاوای سلێمانی “تۆمەتبارێکی دیکە بەناوی (ج، ئ،ج) ، دانیشتووی گەڕەکی پیرادییەکانی ناحیەی شۆڕشیان دەستگیرکردووە کە هەستاوە بەدزینی ماتۆڕسکیلی هاووڵاتیان و پاش تەلەفۆنکردن و پارچەپارچەکردنیان ویستوێتی لەبازاڕدا بیفرۆشێتەوە”.
ئاسایش دەشڵێت، تۆمەتبارەکان سەرجەمیان لەسەر داوای یاسایی هاووڵاتیان و بەبڕیاری دادوەری دادگەی لێکۆڵینەوە بەپێی ماددەکانی 393 و 446 لە یاسای سزادان گیراون و راگیراون لێکۆڵینەوە لەگەڵیاندا بەردەوامە.
ئاسایشی سلێمانی ئاماژەی بەوەش داوە کە ماتۆڕسکیلێک و چەندین پارچەی ماتۆڕسکیل کە دزرابوون لەلایەن تۆمەبارەکانەوە و چەندین کەلوپەلی سەربازیش بەبڕیاری دادوەر لەلایەن هێزەکانمانەوە دەستیبەسەردا گیراوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
