دادگای فیدراڵی عێراق سکاڵایەکی لەبارەی نووسینەوەی دەستووری هەرێم رەتکردەوە.
سکاڵاکە لەلایەن باسم خەشان ئەندامی پەرلەمانی عێراق بە پێی ماددەی 120ی دەستووری عێراق تۆمارکراوە و تێیدا داوایکردووە، لە ماوەیەکی کورتدا دەستووری هەرێم دابنرێت و سنووری دەسەڵاتەکانی و شێوازی جێبەجێکردنی دەسەڵاتەکانی دیاریبکرێن، بەجۆرێک ئەو دەستوورە ناکۆک نەبێت لەگەڵ دەستووری هەمیشەیی عێراق.
لە وەڵامدا دادگای فیدڕاڵی عێراق ئەمڕۆ پێنج شەممە (15ـی ئەیلوولی 2022) لە بڕیارێکدا ئەو سکاڵایەی رەتکردەوە و رایگەیاندووە بەپێی دەستووری عێراق و یاسای دادگای فیدراڵی لە تایبەتمەندی ئەو نییە بڕیار لەسەر داوایەکی لەو شێوەیە بدات.
لە بڕیارەکەشدا هاتووە دەبێت، پەرلەمانتار باسم خەشان تێچووی دادگاییەکە و کرێی پارێزەرەکان بدات کە بڕەکەی 100 هەزار دینارە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
