نرخی نەوت نزیکەی یەک دۆلار بەرزبووەوە کە بە شێوەیەکی سەرەکی پەیوەندی بە هەڕەشەکانی ڤلادیمیر پوتین، سەرۆکی رووسیاوە هەیە بۆ وەستاندنی ناردنی گازی وڵاتەکە بۆ ئەورووپا.
بەرەبەیانی ئەمڕۆ پێنجشەممە، نرخی بەرمیلێک نەوتی برێنت زیاتر لە 90 سەنت بەرزبووەوە و بە 88 دۆلار و 91 سەنت مامەڵەی پێوەکرا.
هەروەها نرخی بەرمیلێک نەوتی رۆژئاوای تێکساس 92 سەنت بەرزبووەوە و بە 82 دۆلار و 89 سەنت مامەڵەی پێوەکرا.
هاوکات، نرخی هەر ئۆنسەیەک زێڕ بەرزبووەوەیەکی کەمی بەخۆوە بینی و دواتر بە جێگیری لە نزیکەی 1717 دۆلار مایەوە.
