ئاسایشی سلێمانی رایگەیاند، لە دوو چالاکی جیاوازدا، دەستیانگرتووە بەسەر بڕی 149 کیلۆگرام ماددەی هۆشبەر لە جۆری کریستاڵ، کە بەشێکیان لەناو رۆنی ئۆتۆمبێلدا شاردراونەتەوە.
ئەمڕۆ پێنج شەممە 28ـی تەمووزی 2022، بەڕێوەبەرایەتی ئاسایشی پارێزگای سلێمانی لە راگەیەندراوێکدا ئاماژەی بەوەکردووە، “لەسەر رێنمایی و راسپاردەی دەزگای ئاسایشی هەرێم، لە چوارچێوەی هەڵمەتی دەستگیركردنی بازرگانانی ماددە هۆشبەرەكان و رێگریكردن لە بڵاوبوونەوەی هەر جۆرە ماددەیەكی هۆشبەر، كە زیان بە ئابووری هەرێم دەگەیەنێت و كاریگەری خراپ لەسەر كۆمەڵگە دروستدەكات، لە دوو چالاكیدا دەستیان بەسەر بڕێكی زۆر ماددەی هۆشبەردا گرت، لە چالاكی یەكەمدا دوای لێكۆڵینەوەی وورد و بەدواداچوون هێزەكانی ئاسایش بەفەرمانی دادوەر لە رۆژی 14-06-2022 دەستیان بەسەر بڕی 92 كیلۆگرام ماددەی كریستاڵدا گرت و ئەو ماددانەش لەدەرەوەی هەرێمەوە هێندرابوون”.
تایبەت بە چالاکی دووەم، ئاسایشی سلێمانی رایگەیاند، “دوای لێكۆڵینەوەی ورد لە رێگەی یەكێک لە بازگەكانەوە لە رۆژی 25-07-2022، دەستیان بەسەر بڕی 57 كیلۆگرام ماددەی كریستاڵدا گرت، كە لەناو قوتوی رۆنی ئۆتۆمۆبێلدا شاردرابوونەوە و تۆمەتبار كە ناوی (ح.ع.م) و لەدایكبووی 1989ـیەوە بەرەگەز كوردە، بەنیازبوو لە شاری سلێمانیەوە بیباتە شارەكانی تری هەرێمی كوردستان و بە فەرمانی دادوەر بەپێی ماددەی 25 لە یاسای ماددە هۆشبەرەكان راگیراوە و دەست بەسەر كریستاڵەكەدا گیراوە”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
