بڕیارە پەرلەمان كۆبوونەوەیەك تایبەت بەو پرسانە بەڕێوەببات، كە پەیوەستن بە بابەتی دارایی وەک پلە بەرزكردنەوەی فەرمانبەران و مامۆستایان، هەروەها فەرمانبەرانی گرێبەست و چەندین بابەتی دیكەی پەیوەست بە دارایی.
لیزا كاكەیی، ئەندامی لێژنەی دارایی پەرلەمانی كوردستان-عێراق تایبەت بەم کۆبوونەوەی پەرلەمان بە ماڵپەڕی فەرمی پارتی دیموکراتی کوردستانی راگەیاندووە، لێژنەی دارایی ژمارەیەک راپۆرتی لەبارەی رەوشی دارایی ئامادەكردووە و بڕیارە پەرلەمان كۆبوونەوەیەكی تایبەت بەو پرسانەوە بەڕێوەببات، كە پەیوەستن بە بابەتی دارایی وەک پلە بەرزكردنەوەی فەرمانبەران و مامۆستایان، هەروەها فەرمانبەرانی گرێبەست و چەندین بابەتی دیكەی پەیوەست بە دارایی.
كاكەیی لەبارەی پلە بەرزكردنەوەی فەرمانبەران ئەندامەكەی وتی، “حكومەتی هەرێمی كوردستان لە هەوڵدایە بۆ ئەوەی پلە بەرزكردنەوەی مامۆستایان و فەرمانبەران بەشێوەیەكی ئاسایی بەڕێوەبچێت، چونكە چەند ساڵێكە بەهۆی رەوشی خراپی دارایی و شەڕی داعش پلە بەرزكردنەوەی فەرمانبەران راگیراوە”.
ناوبراو سەبارەت بە بانگهێشتکردنی وەزیری دارایی بۆ پەرلەمان ئاشکرایکرد، وەزیری دارایی لەسەر پاشەكەوت و پلە بەرزكردنەوەی فەرمانبەران و چەند بابەتێكی دیكەی دارایی، بانگهێشتی پەرلەمان دەكرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
