تویتەر سکاڵای یاسایی لەسەر ملیاردێری ئەمریکی، ئیلۆن مەسک تۆمار کردووە، ئەمەش بەمەبەستی ناچارکردنی مەسک بۆ کڕینی پلاتفۆڕمەکە بە پێی ئەو رێکەوتنەی پێشتر هەیانبووە.
بە گوێرەی هەواڵێكی وێبسیاتی “CNN BUSINESS”، پارێزەرەکەی مەسک رۆژی هەینی 8ـی تەمووزی 2022، لە نامەیەکدا ئاماژەی بەوەکردووە، ئیدارەی تویتەر “لە چەند بڕگەیەکی گرێبەستەکە لایانداوە” بانگەشەی ئەوەشی کردووە، کۆمپانیاکە ئەو داتایانەی نەداوەتە مەسک کە بۆ هەڵسەنگاندنی ئاماری هەژمارە ساختەکان لە پلاتفۆڕمەکە بەکاردێت.
لە وەڵامی نامەی پارێزەرەکەی مەسک تیمی یاسایی تویتەر رایانگەیاند، هەوڵی مەسک بۆ کۆتاییهێنان بە گرێبەستەکە نادروست و هەڵەیە، بانگشەی ئەوەشیان کرد، “مەسک خۆی پێشێلی گرێبەستەکەی کردووە و داوای کردووە کە بەدواداچوون بۆ گرێبەستەکە بکات”.
تیمی پارێزەرانی کۆمپانیای تویتەر لە سکاڵایەکی یاساییدا کە رۆژی سێشەممە 12ـی ئەم مانگە تۆماریان کرد، باسیان لەوەکردووە، “ئەوان هەوڵ دەدەن رێگری لە پێشێلکارییەکانی مەسک بکەن، لەهەمانکاتدا ناچاری بکەن تا گرێبەستی کڕینەکە تەواو بکات”.
پێشتر بەڕێوەبەری جێبەجێکاری کۆمپانیای سپەیس ئێکس و تێسلا، مەسک لە 13ی ئایاردا رایگەیاند، گرێبەستی کڕینی کۆمپانیای تویتەر کە بڕەکەی نزیکەی 44 ملیار دۆلارە بۆ ماوەیەکی کاتی راگیراوە.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
پاکستان… لە رووداوێکی هاتووچۆدا نزیکەی 60 کەس بوونە قوربانی
5
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
