سەرۆکی ئەنجوومەنی نوێنەرانی عێراق، محەمەد حەلبوسی سوپاسی هەڵوێستی موقتەدا سەدر دەکات و جەخت لەوە دەکاتەوە کە بەردەوام دەبێت لە ھەنگاونان بەرەو ئەنجامدانی چاکسازی راستەقینە.
محەمەد حەلبوسی دوای دانیشتنە نائاساییەکەی ئەمڕۆی ئەنجوومەنی نوێنەراندا لە تویتێکدا نووسیوویەتی، “رێگامان دەست پێ کرد لە پێناو گەل، ھەریەکمان لە پێگەی نیشتمانیی خۆی لە ناوەوە و دەرەوەی ئەنجوومەنی نوێنەران بەردەوام دەبین لە ئەنجامدانی چاکسازیی راستەقینە کە عێراقییەکان چاوەڕوانی دەکەن”.
راشیگەیاندووە “بەقەباری عێراق سوپاسی موقتەدا سەدر دەکەین کە بێ بەرامبەر قوربانی داوە و ھەمیشەیش ئامادەییە”.
ئەمڕۆ پێنجشەممە ئەنجوومەنی نوێنەرانی عێراق دانیشتنێکی نائاسایی ئەنجامدا و لە میانیدا ژمارەیەک پەرلەمانتاری نوێ کە بوونە جێگرەوەی پەرلەمانتارە دەستلەکارکێشاوەکانی فراکسیۆنی رەوتی سەدر، سوێندی یاساییان خوارد.
فەرمانگەی راگەیاندنی ئەنجوومەنی نوێنەرانی عێراق بڵاویکردەوە لەو ٧٣ پەرلەمانتارە کە پێویست بوو سوێندی یاسایی بخۆن و شوێنی پەرلەمانتارە دەستلەکارکێشاوەکانی فراکسیۆنی سەدر بگرنەوە، ٦٤یان ئامادەبوون و سوێندیان خوارد و نۆی دیکە ئامادەی کۆبوونەوەکە نەبوون.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
