وتەبێژی پۆلیسی هەولێر(ئەربیل) دەڵێت، لە قەزای خەبات باوکێک کوڕەکەی خۆی کوشتووە، لەبارەی هۆکاری خنکاندنی کوڕەکەی بە پۆلیسی هەولێری وتووە، ئەو “کەسێکی خراپ بووە” و کێشەی زۆری بۆ دروستکردووە، بۆیە بڕیاریداوە بیخنکێنێت و تەرمەکەی فڕێبداتە ناو زێی گەورە.
ئەمڕۆ هەینی 27-05-2022 هۆگر عەزیز، وتەبێژی پۆلیسی پارێزگای هەولێر لە کۆنگرەیەکی رۆژنامەوانیدا رایگەیاند، “دوای ئاگادارکردنەوەمان لە رووداوی کوشتنی گەنجێک لە قەزای خەبات، تیمێکی پشکنین چوونە شوێنی رووداوەکە و دەستکرا بە لێکۆڵینەوە لە ئەندامانی خێزانی کوژراوەکە، لە لێکۆڵینەوەکەدا باوکی گەنجەکە دانی بەوەدانا کە کوڕەکەی خنکاندووە و دواتر تەرمەکەی فڕێداوەتە ناو زێی گەورە”.
وتیشی، “تاوانەکە دوێنێ پێنجشەممە 26-05-2022 کاتژمێر سێی بەرەبەیانی ئەنجامدراوە و پۆلیس بە کەمتر لە 24 کاتژمێر تاوانەکەی ئاشکراکرد و تۆمەتباریش رادەستی دادگە کرا”.
بکوژەکە لەدایکبووی 1969یە و ناوی “س. س”ـە، کوڕەکەش تەمەنی 30 ساڵ بووە و خێزاندار بووە و دوو منداڵی هەیە. لەبارەی هۆکاری کوشتنەکە پاساوی باوکەکە بۆ کوشتنی کوڕەکەی ئەوە بووە کە کوڕەکەی کەسێکی خراپ بووە لەگەڵ خێزان و دەوروبەری و کێشەی زۆری بۆ ناونەتەوە بۆیە کوشتوویەتی.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
