کەشناسی هەرێم ئاشکرای دەکات کە لەدوای نیوەشەو شەپۆڵێکی نمەباران و هەورەتریشقەی پچڕپچڕ هەرێم دەگرێتەوە و خۆڵبارینیش هەندێک لە ناوچەکانی هەرێم دەگرێتەوە.
بەڕێوەبەرایەتی گشتیی کەشناسی و بوومەلەرزەزانی هەرێم ڕاگەیەندراوێکی بڵاوکردۆتەوە و تێیدا هاتووە، “بەگوێرەى تازەترین نەخشەکانى کەشوهەواى ئەمڕۆ شەممە پێشبینى دەکرێ لەدوای نیوەشەو شەپۆلێکى نمەباران و هەورەتریشقەى پچڕپچڕ ڕوو بکاتە ناوچەکانمان.”
ئەوەشی خستووەتەڕوو کە “شەپۆڵەکە سەرەتا لە ڕۆژئاواى هەرێمەوە دەست پێ دەکات پاشان بۆ ڕۆژی یەکشەممە دەگاتە هەموو ناوچەکانى هەرێمی کوردستان.”
ئاشکرای دەکات، “پێشبینى دەکرێ لە کاتەکانى ئێوارەدا بارانى بەلێزمەى کورتخایەن ببارێ لە سنوورى دهۆک و هەولێر و هەندێک ناوچەى گەرمیان، خێرایی با (15-20) کیلۆمەتر لە کاتژمێرێکدا دەبێت وهەندێجار چاڵاک دەبێت بۆ 30 کیلۆمەتر لە کاتژمێرێک.”
ئاماژەی بەوەش داوە کە هەروەها شەپولێکى تۆزوخۆڵ ناوەڕاستى عێراق دەگرێتەوە، ئەگەری هەیە بە سووکى لەسەر هەرێم کاریگەرى هەبێت، بە تایبەت ناوچەکانى گەرمیان و باشوورى هەرێم.
ئەوەشی خستووەتەڕوو کە “ڕۆژى دووشەممە ئاسمان نیمچەهەور دەبێت و لە ناوچە شاخاوییەکان و ڕۆژهەڵاتى هەرێم هەورى تەواو دەبێت لەگەڵ بارینى نمەبارانى ناوبەناو و هەورەبروسکە”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
