شەوی رابردوو، یەکەمین ساڵیادی رۆژی لەدایکبوونی سوڵتان موزەفەرەددین گۆکبۆرو لە قەڵای هەولێر(ئەربیل) لەژێر سپۆنسەری گرووپی میدیایی تەبا بەڕێوەچوو و چەند رێوڕەسمێکی شایستە لە یادکردنەوەکەدا رێکخرا و چەندین کەسایەتی بەژداریان تیادا کرد.
هاوکات، هەریەک لە ئایدن مەعروف، وەزیری هەرێم بۆ کاروباری پێکهاتەکان و ئەندامی مەکتەبی سیاسی بەرەی تورکمانی عێراقی و هاکان کاراچای، کۆنسوڵی گشتی تورکیا لە هەولێر و ئومێد خۆشناو، پارێزگاری هەولێر و چەندین کەسایەتی دیاری شارەکە ئامادەی بوون.
