ڤۆلۆدیمێر زێلێنسکی، سەرۆکی ئۆکراینا ئاماژەی بەوە کرد کە هیچ هیوایەك نیە کە رووسیا شەڕ رابگرێت.
زێلێنسکی لە وتارێکدا بۆ پەرلەمانی کۆریای باشوور، رایگەیاند، لە ماریۆپۆڵ بە هەزاران کەس کوژراون، داواشی له كۆریای باشوور كرد، هاوکاری سەربازی بداتە وڵاتەکەی.
وتیشی “ماریۆپۆڵ وێران بووە. دەیان هەزار کەس لەو شارە کوژراون. سەرەرای ئەوەش رووسیا هێرشەکانی راناگرێت”.
سەرۆکی ئوکراینا باسی لەوەشکرد “رووسیا دەیەوێت شارەکانی دیکەش وەك ماریۆپۆڵ لێبکەن. دابینکردنی هاوکاری سەربازی بۆ ئۆکرانیا نەك تەنیا ژیانی خەڵکی پێ رزگار دەکرێت و شارەکانی دیکەشی پێ رزگار دەکەین، بەڵکو رێگری لە داگیرکارییەکانی رووسیا لە شارەکانی دیکەش دەکات”.
جه‌ختیشیكرده‌وه، “هیچ هیوایەك نیە کە رووسیا هێرشەکانی رابگرێت. سەرکردایەتی رووسیا نایەوێت شەڕ رابگرێت، تاکە رێگە ئەوەیە، رووسیا ناچار بکرێت شەڕەکە رابگرێت. هێشتا ژمارەی تەواوەتیی کوژراوەکان نازانین. لە باکوورەوە بۆ باشوور هێشتا بۆردومان و هێرشەکانی رووسیا بەردەوامن و ئه‌و ئامادەکاری بۆ هێرشێکی دیکە دەکات، بەو ئامانجەی ورەی ئۆکرانیەکان بشکێنێت”.
ئاشكراشیكرد، “زانیاریمان هەیە، داگیرکار بە هەزاران سەرباز و چەکی کۆکردوونەتەوە و دەیەوێت هێرش بکات”.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
پاکستان… لە رووداوێکی هاتووچۆدا نزیکەی 60 کەس بوونە قوربانی
5
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
