بەڕێوەبەرایەتیی کەشناسی و بوومەلەرزەزانی هەرێم رایگەیاند، سبەی هەینی لە هەندێ ناوچە نمەباران، لە هەندێ ناوچەی دیکە تاوەباران دەبارێت و خۆڵبارینیش بەردەوامدەبێت.
بەڕێوەبەرایەتیی کەشناسی و بوومەلەرزەزانی هەرێم، پێشبینییەکانی بۆ 48 کاژێری داهاتوو بڵاوکردەوە.
بە پێی راگەیەندراوەکە، ئەمڕۆ لە پارێزگای هەولێر (ئەربیل) ئاسمان لەنێوان هەور و نیمچەهەور دەبێت، لەگەڵ تاوەباران و برووسکە لە ناوچە جیاجیاکانی پارێزگاکە و زیاتر لە ناوچە شاخاوییەکان دەبێ، هەروەها بەرزبوونەوەی تۆز و خۆڵ و خێرایی با تاوەکو ئێوارە بەردەوامدەبێت.
لەبارەی پێشبینییەکان بۆ سبەی هەینی، ئاسمان لەنێوان هەور و نیمچەهەوردا دەبێت، لەگەڵ چالاکبوونی هەوری برووسکە و تاوەباران لە ناوچە جیاجیاکانی پارێزگاکە، کاریگەری زیاتر دەبێ لەناوچە شاخاوییەکان، هەروەها لە دوای نیوەڕۆوە، تۆز و خۆڵ و چالاکبوونی خێرایی با، باشوور و سەنتەری شار دەگرێتەوە و تاوەکو نیوەی شەو کاریگەری بەردەوامی دەبێ.
هەروەها خێرایى با، لە نێوان 10-20 کم لە کاتژێرێکدا دەبێت، بە ئاراستەی باشووری رۆژهەڵات و مەوداى بینینیش 4-6 کم دەبێت و لە ئێوارەدا کەمدەبێتەوە بۆ 2-4 کم. پلەی گەرماش نزمترین 20 پلە و بەرزترین 23 پلەى سیلیزى دەبێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
