بەرێوەبەرایەتی بەرەنگاربونەوەی توندوتیژی دژی ئافرەتان و خێزان لە هەولێر(ئەربیل) رایگەیاند، لە رێکەوتی 7ـی ئاداری 2022، لەلایەن هەواڵدەرێکەوە ئاگادار کراوانەتەوە کە منداڵێک لە نزیك نەخۆشخانەی مەلافەندی لە گەرەکی باداوەی شاری هەولێر جێهێڵدراوە و کەسوکاری دیار نیە.
بەرەنگاربونەوەی توندوتیژی دژی ئافرەتان و خێزان راشیگەیاند، دوای بەدواداچوون و لێکۆڵینەوە دەرکەوت کەوا منداڵەکە لەهەمان شوێن جێهێڵدراوە و تەمەنی لە نێوان (3 بۆ 4) ساڵە و بە گوتەی خۆی ناوی ( هەناسە رێباز)ە.
بە گوێرەی راگەیەندراوەکە، کەیسەکە لە نوسینگەی قەڵای سەر بە بەڕێوەبەرایەتی توندوتیژی دژی ئافرەتان و خێزان لە هەولێر لەژێر لێکۆڵینەوەدایە و ماوەی 20 رۆژە (هەناسە رێباز) لە خانەی نەوجەوانانی هەولێرە و کەس و کاری دیارنییە و کەسیش بەدواداچوونی نەکردووە.
بەرەنگاربونەوەی توندوتیژی دژی ئافرەتان و خێزان لە هەولێر داوا دەکەن هەرکەسێک زانیاری هەیە دەربارەی ناونیشانی کەسوکاری ( هەناسە) پەیوەندی بە بەڕێوبەرایەتیەکەوە بکات لە رێگای هێڵی گەرمی ژمارە ( 199(ی بەڕێوەبەرایەتی یاخود لە رێگای پەیجی فەیسبووکی بەڕێوبەرایەتیەکەوە، بۆ ئەوەی بتوانن بە کەس و کاری شاد بکەنەوە یاخود چارەسەرێکی یاسایی بۆ کێشەکەی بکرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
