لایک
بەڕێوەبەرایەتی گشتیی كەشناسی و بوومەلەرزەزانی رەوشی كەشوهەوای پێشبینیكراوی ئەمڕۆ دووشەممە و سبەی سێشەممەی ناوچەكانی هەرێمی كوردستان – عێراقی خستەڕوو و ڕایگەیاند كە لە هەردوو رۆژەكەدا بارانبارین بەردەوام دەبێت، ئاماژەی بەوەش دا كە پلەكانی گەرما نزمتر دەبنەوە و كەشوهەوا سارد دەبێت.
كەشناسی سەبارەت بە كەشوهەوای ئەمڕۆ دووشەممە ڕایگەیاند: ئاسمان بەگشتى لەنێوان هەوری تەواو بۆ نیمچەهەور دەبێت لەگەل بەردەوامی دابارینی تاوەباران و بروسکە لە ناوچە جیاجیاکانی هەرێم، بۆ کاتەکانی ئێوارە کەشوهەوا سەقامگیر دەبێتەوە و ئاسمان بۆ نیمچەهەور پەلەهەور دەگۆڕێت.
ڕاشیگەیاند: پلەکانی گەرما بەشێوەیەکی بەرچاو نزم دەبنەوە و پێشبینی دەكرێت 6 تا 8 پلەی سیلیزی بەراورد بە تۆمارەکانی دوێنێ یەكشەممە نزم ببێتەوە .
بۆ كەشوهەوای سبەی سێشەممە، كەشناسی ڕایگەیاند: ئاسمان ساماڵ دەبێت، لە کاتەکانی دوایی نیوەڕۆ بۆ هەوری تەواو دەگۆڕێت، پاشان بۆ کاتەکانی درەنگ دابارین دەست پێ دەکات، پاشان بۆ کاتەکانی بەیانی رۆژی چوارشەممە کاریگەرییەكەی درێژ دەبێتەوە بۆ ناوچەکانی تر بەشێوەی تاوەباران وبروسکە .
هەروەها ڕایگەیاند: پلەکانی گەرمای سبەی سێشەممە بەراود بە ئەمڕۆ دووشەممە كەمێك بەرز دەبنەوە بە 2 تا 4 پلەی سیلیزی .
كەشناسی پلەكانی گەرمای پێشبینیكراوی شارەكانی بەمشێوەی خوارەوە خستەڕوو:
هەولێر (ئەربیل): 26 پلە
سلێمانی: 23 پلە
دهۆک: 23 پلە
زاخۆ: 23 پلە
هەڵەبجە: 23 پلە
سۆران: 22 پلە
حاجی ئۆمەران: 15 پلە
گەرمیان: 26 پلە
