وەزارەتی کارەبای حکومەتی هەرێم رایگەیاند، لەکۆبوونەوەی ئەمڕۆی ئەنجومەنی وەزارەتەکەدا بڕیاردرا سیستمی پریپەید بخرێتەبوواری جێبەجێکردنەوە و لەسەرەتاشدا لە ژمارەیەک لە یەکەکانی نیشتەجێبوونی شارە گەورەکان دەستیپێدەکرێت.
بەگوێرەی راگەیەندراوێکی وەزارەتی کارەبا، ئەمڕۆ سێشەممە کەمال محەمەد ساڵح وەزیری کارەبا سەرپەرشتیی کۆبوونەوەی ئەنجومەنی وەزارەتی کارەبای کرد و لە کۆبوونەوەکەدا باس لە داهاتی کارەبا و فرۆشتنی وزە و کەمکردنەوەی قەرزەکانی کارەبا و سیستەمی پریپەید کرا.
ئەوەشخراوەتەڕوو، هەر لە کۆبوونەوەکەدا، بڕیاری جێبەجێکردنی سیستەمی پریپەید درا و لە سەرەتادا لە ژمارەیەک لە یەکەکانی نیشتەجێبوونی شارە گەورەکان دەستپێدەکرێت.
هەر بەگوێرەی راگەیەندراوەکە، لەو کۆبونەوەیەدا وەزیری کارەبا سوپاسی تیمەکانی کارەبای کرد کە لە مانگی پیرۆزی رەمەزاندا دڵسۆزانە خزمەتگوزاریی کارەبایان بۆ هاووڵاتیان دابینکرد.
لە هەرێمی کوردستان شەش هەزار و 356 هاوبەشی کارەبا بە سیستەمی پریپەیدەوە بەستراون و چالاک کراون و کارەبای 24 کاتژمێرییان هەیە، سیستەمی پریپەید هاوشێوەی کارتی مۆبایلە، بایی چەند کارەبات پێوێستە ئەوەندە کارت دەکڕیت، بۆ بەکارهێنانەکەشی دەوەستێتە سەر هاوبەشی کارەبا، بیەوێت زیادەڕۆیی تێدا بکات، یان بیەوێت دەستی پێوە بگرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
