ماوەی تۆمارکردنی کاندیدانی هەڵبژاردنی ئەنجومەنی پارێزگاکان درێژکرایەوە
کۆمسیۆنی باڵای هەڵبژاردنەکانی عێراق ئەمڕۆ سێشەممە بڕیاریدا ماوەی ناو تۆمارکردنی کاندیدەکان بۆ هەڵبژاردنی پارێزگاکان درێژبکاتەوە.
کۆمسیۆنەکە بڕیاریدا ماوەی ناو تۆمارکردن بۆ ئەو کاندیدانەی بەتەنیان تا 13ی ئاب درێژبکاتەوە.
هەروەها ماوەی تۆمارکردنی هاوپەیمانی و لایەنە سیاسییەکان تا 20ی ئاب درێژکرایەوە.
چاوەڕێدەکرێت، بۆ هەڵبژاردنی ئەنجومەنی پارێزگاکانی عێراق زیاتر لە سێ هەزار کاندید لە سەرتاسەری عێراقدا بەشداریبکەن.