لەسەر راسپاردەی فەرماندەی گشتی هێزە چەکدارەکانی عێراق هاوکاری و پێداویستی رەوانەی پارێزگای دهۆک دەکرێت، بۆ پشتیوانیکردن و قەرەبووکردنەوەی ئەو هاووڵاتیانەی بەهۆی کاریگەری شەپۆلی باران بارین و لافاوەوە زەرەمەندبوون.
فەرماندەیی ئۆپراسیۆنە هاوبەشەکانی عێراق بڵاویکردەوە، لەسەر راسپاردەی محەمەد شیاع سوودانی فەرماندەی گشتی هێزە چەکدارەکانی عێراق لەسەر پرسی ئەو شەپۆلە باران بارینەی ماوەی چەند رۆژێکە رووی لە تەواوی عێراق کردووە، هاوکاری و پێداویستی بۆ پارێزگای دهۆک رەوانە دەکرێت.
لە راگەیەنراوەکەی فەرماندەیی ئۆپراسیۆنە هاوبەشەکانی عێراق ئاماژە بەوەشکراوە، قەیس محەمەداوی جێگری فەرماندەی ئۆپراسیۆنە هاوبشەکان لەگەڵ لایەنە حکومی ئیدارییەکانی هەرێمی کوردستان قسەیکردووە، لە پێناو رەوانەکردنی هاوکاری و پێوداویستی بۆ ئەو هاووڵاتیانەی بەهۆی لافاوەوە زەرەرمەندبوون.
ئەوەشخراوەتەڕوو، بە گوێرەی ئەو راپۆرتانەی لەلایەن وەزارەتی سەرچاوە ئاوییەکانەوە خراوەتەڕوو، بە شێوەیەکی بەرچاو ئاستی ئاوی بەنداوەکانی موسڵ، دوکان و دەربەندیخان بەرزبوونەتەوە.
لە چەند رۆژی رابردوو بەهۆی شەپۆلی باران بارینەوە لافاوێکی سەخت لە پارێزگای دهۆک و ئیدارەی زاخۆ دروستبوو، بەهۆیەوە سێ کەس گیانیان لەدەستدا و چەند کەسێکی دیکەش برینداربوون، جگە لەوەی دەیان ماڵ زیانیان بەرکەوت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
