وەزیری پەروەردە: رۆژانی شەممە دەبێتە پشوو

ئالان حەمە سەعید، وەزیری پەروەردەی هەرێمی کوردستان رایگەیاند، بەکۆدەنگی ئەندامانی ئەنجوومەنی وەزارەتی پەروەردە، بڕیاردرا بۆ ساڵی نوێی خوێندنی 2023/2024، رۆژانی شەممە لە سەرجەم ناوەندەکانی خوێندنی حکومی بکرێتە پشووی فەرمی.

ئەمڕۆ یەکشەممە 16ـی تەممووزی 2023، ئالان حەمە سەعید لە کۆنگرەیەکی رۆژنامەوانی رایگەیاند، بەکۆدەنگی ئەندامانی ئەنجوومەنی وەزارەتی پەروەردە، بڕیاردرا بۆ ساڵی نوێی خوێندنی 2023/2024، رۆژانی شەممە لە سەرجەم ناوەندەکانی خوێندنی حکومی بکرێتە پشووی فەرمی.

ئاماژەی بەوەش دا "دەوامی فەرمی خوێندن لە رۆژانی یەکشەممە تا پێنجشەممە دەبێت و دواتر لە رێگەی گشتاندنەوە وردەکاریی بڕیارەکە بۆ هەموو پەروەردە گشتییەکان و ناوەندەکانی خوێندن رووندەکرێتەوە".