حەوت کاتژمێرە ئاگر لە پاڵاوگەیەکی هەولێر کەوتووەتەوە
بەیانی ئەمڕۆ لە شاری هەولێر ئاگر لە پاڵاوتگەیەکی نەوت کەوتەوە و تا ئێستا نەتوانراوە کۆنتڕۆڵ بکرێت.
کاروان میراودەلی وتەبێژی بەڕێوەبەرایەتیی بەرگریی شارستانیی هەولێر رایگەیاند، لە کاتژمێر 02:00 بەرەبەیانی ئەمڕۆ ئاگر لە پاڵاوتگەی ئەمین لەسەر رێگای هەولێر – گوێر کەوتەوە، ئێستا نۆ تیممان لە شوێنی ئاگرکەوتنەوەکەن و چەند تیمێکی پشتیوانیش بەڕێوەن.
ئاماژەی بەوەشکرد، بەداخەوە سێ کەس بەهۆی رووداوەکەوە برینداربوون و گەیەندراونەتە نەخۆشخانە.
ئاشکراشیکرد، تا ئێستا توانیومانە 32% ی ئاگرەکە کۆنتڕۆڵبکەین، لە هەوڵداین ئاگرەکە تەشەنە نەسێنێت.