لایک
نرخی نەوت لە بازاڕەکانی جیهاندا بەراورد بە دوێنێ زیادیکرد، نرخی بەرمیلێک نەوتی خاوی برێنت بە 71 دۆلار و 14 سەنت مامەڵەی پێوە دەکرێت، بەراورد بە دوێنێ نرخەکەی نزیکەی 83 سەنت بەرزبووەوە.
ئەمڕۆ پێنجشەممە 20ـی ئاداری 2025، نرخی بەرمیلێک نەوتی خاوی تەکساس بە 67 دۆلار و 47 سەنت مامەڵەی پێوە دەکرێت، بەراورد بە دوێنێ هاوشێوەی نەوتی برێنت نرخەکەی بەرزبووەوە.
ئەمەش لەکاتێکدایە، ماوەیەک لەمەوبەر بەهۆی ئەگەری ئاگربەستی نێوان روسیا و ئۆکرانیا و گەڕانەوەی نەوتی روسیا بۆ بازاڕەکان، نرخی نەوت ئەم ماوەیە بە شێوەیەکی بەرچاو رووی لە دابەزین کردووە.
