لە هەواڵێکی دزەپێکراودا لە پێگەی نێتفلێکسی کۆریاوە، کاتی پەخشکردنی وەرزی سێیەمی زنجیرەی سکوید گەیم ڕاگەیەنرا، کە 27ـی حوزەیرانی ئەمساڵ دەبێت، بەڵام هەواڵەکە دوای چەند خولەکێک سڕایەوە.
دوای ئەوەی تۆڕی نێتفلێکس ڕایگەیاند، وەرزی سێیەمی زنجیرەی (Squid Game) لە ساڵی 2025 پەخشدەکرێت، پێگەی نێتفلێکسی کۆریا بۆ ماوەیەکی کاتیی تیزەرێکی بڵاوکردەوە و بەروارێکی دیاریکراوی پەخشکردنی لەسەربوو، کە بەرواری 27ی حوزەیرانی 2025 بوو.
ئەمەش دوای ئەوە دێت، دەرهێنەری زنجیرەکە ڕایگەیاند، وێنەگرتنی وەرزی سێیەمی کۆتایی هاتووە و ڕووداوەکان تاریکتر و خەمبارتر دەبن و زۆر جیاوازتر دەبێت لە وەرزەکانی پێشوو.
وتیشی: “ئەم وەرزە خراپەکاریی زیاتر لەخۆدەگرێت، بەو پێیەی رووداوەکان قوڵتر و هەستیارتر دەبنەوە”.
