سەرۆکی هەرێمی کوردستان – عێراق، پەیامێکی لەبارەی هێرشەکەی شاری نیوئۆرلەنزی ئەمریکا بڵاوکردەوە و ڕایگەیاند، سەرکۆنەی ئەو هێرشە دەکات و لەم ساتەدا هەرێمی کوردستان – عێراق لەگەڵ گەلی ئەمریکا دەوەستێت.
دوێنێ چوارشەممە، 1ی کانوونی دووەمی 2025، نێچیرڤان بارزانی، سەرۆکی هەرێم، لە پەیامێکدا لە تۆڕی کۆمەڵایەتیی ئێکس، ڕایگەیاند: “بە تووندی سەرکۆنەی هێرشکردنە سەر خەڵکی بێتاوانی نیوئۆرلەنز دەکەم”.
نێچیرڤان بارزانی، لە درێژەی پەیامەکەیدا نووسیوویەتی: “بیرم و نزاکانم لەگەڵ ئەوانەیە کە بەهۆی ئەم کردەوە دڕندانە، بوونە قوربانی. ئێمە لەم کاتە سەختەدا لەگەڵ گەلی ئەمریکا دەوەستین”.
ئێوارەی رۆژی چوارشەممە، کەسێک بەناوی شەمسەدین جەبار، بە ئۆتۆمبێلێک بەخێراییەکی زۆر خۆی بە نێو خەڵکدا دەکات و لە ئەنجامدا 15 کەس کوژران و لانیکەم 35ی دیکەش بریندار بوون کە بەرپرسانی ئەمریکی هێرشەکەیان بە تیرۆرستی ناوبرد.
بە گوێرەی زانیارییەکانی نووسینگەی فیدراڵیی لێکۆڵینەوەی ئەمریکا (ئێف بی ئای)، جەباری تەمەن 42 ساڵ، هەڵگری وڵاتینامەی ئەمریکییە و لە ویلایەتی تێکساس گەورە بووە و 10 ساڵ لە نێو سوپای ئەمریکا خزمەتی سەربازی کردووە.
هەروەها بەرپرسانی ئێف بی ئای دەڵێن، لە پشت ئۆتۆمبێلەکەی هێرشکارەکە ئاڵایەکی داعش دۆزراوەتەوە، “جەبار پێشینەی تاوانی هەبووە و پەیوەندی لەگەڵ داعش و رێکخراوە پەڕگیرەکاندا هەبووە”.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
5
پاکستان… لە رووداوێکی هاتووچۆدا نزیکەی 60 کەس بوونە قوربانی
