گەشتەکانی هێڵی ئاسمانیی قەتەر بۆ دیمەشق دەستپێدەکەنەوە

0

لایک

0

گەشتەکانی هێڵی ئاسمانیی قەتەر بۆ دیمەشقی پایتەختی سووریا دەستپێدەکەنەوە و هەفتانە سێ گەشت ڕێکدەخرێت.

هێڵی ئاسمانیی قەتەر (Qatar Airways) ڕایگه‌یاند، لە حەوتی ئەم مانگەوە هەفتانە سێ گەشت بۆ فڕۆکەخانەی نێودەوڵەتیی دیمەشق لە سووریا ئەنجام دەدات.

لە ڕاگەیاندراوێکدا کە لەلایەن هێڵەکەوە بڵاوکراوەتەوە، هاتووە: “ئامانجمان ئەوەیە سووریا لە ڕێگەی دەوحەوە بە زیاتر لە 170 ناوچە لە سەرانسەری جیهان ببەستینەوە و پەیوەندیيە هەرێمییەکانی بەهێز بکەین”.

هێڵی ئاسمانی قەتەر لە ڕاگەیاندراوەکەدا ئاماژە بەوە کردووە ئەو بڕیارە ڕەنگدانەوەی ئیرادەی بەهێزکردنی پەیوەندی هەرێمایەتی و جێبەجێ کردنی داخوازی گەشتیارانە.

هەروەها لە ڕاگەیاندراوەکەدا باس لەوە کراوە کە پێش ئەوەی سەرلەنوێ گەشتەکان دەستپێبکاتەوە، لە هاریکاریی نزیکدا لەگەڵ هەموو لایەنە پەیوەندیدارەکان بۆ گرتنەبەری هەموو ڕێوشوێنە پێویستەکان.