کۆبوونەوەی مەسرور بارزانی، سەرۆکی حکومەتی هەرێم و محەمەد شیاع سوودانی، سەرۆکوەزیرانی عێراق دەستیپێکرد.
ئەمڕۆ سێشەممە 4ـی نیسانی 2023، مەسرور بارزانی، سەرۆکی حکومەتی هەرێم گەیشتە فڕۆکەخانەی نێودەوڵەتی بەغداد و لەلایەن هەریەک لە حەیان عەبدولغەنی، وەزیری نەوتی عێراق؛ بەنگین رێکانی، وەزیری ئاوەدانکردنەوە و نیشتەجێکردن؛ فارس عیسا، سەرۆکی نوێنەرایەتی هەرێم لە بەغداد و شاخەوان عەبدوڵڵا، جێگری سەرۆکی پەرلەمانی عێراق پێشوازیان لێکرا.
هاوکات، محەمەد شیاع سوودانی، سەرۆکوەزیرانی عێراق لە باڵەخانەی ئەنجومەنی وەزیران پێشوازی لە مەسرور بارزانی، سەرۆکی حکومەتی هەرێم کرد، دواتر کۆبوونەوەی نێوانیان دەستیپێکرد.