پاکستان… لە رووداوێکی هاتووچۆدا نزیکەی 60 کەس بوونە قوربانی

0

لایک

0

ئەمڕۆ پێنجشەممە، بەرپرسانی پاکستان رایانگەیاند، رووداوێکی هاتووچۆ لە باشووری رۆژئاوای پاکستان روویدا، بەهۆیەوە 17 کەس گیانیان لەدەستدا و 41 کەسیش بریندار بوون.

مونیر ئەحمەد، بەرپرسی ناوچەکە بە ئاژانسی فرانس پرێسی وت: رووداوەکە ئێوارەی دوێنێ لە ناوچەی حەب لە بەلوچستانی پاکستان روویداوە.

مونیر ئەحمەد راشیگەیاند، “پاسەکە بە خێراییەکی زۆرەوە رۆیشتووە و دواتر لەکۆنتڕۆڵ دەرچووە و کەوتووتە ناو دۆڵێک لە ناوچە شاخاوییەکان کە نزیک بووە لە شوێنێکی ئاینی”، دەشڵێت، “شۆفێرەکە خۆی لە ئۆتۆمبێلەکە هەڵداوەتە خوارەوە و رزگاری بووە”.

وتیشی: سەرنشینەکان “ئەو کەسانە بوون کە لە ناوچەی سیندەوە بەڕێکەوتبوون بەرەو مەزارگەی شا نورانی لە باشووری پاکستان”.

مونیر باسی لەوەشکرد: ” بریندارانی رووداوەکە گواستراونەتەوە بۆ کاراچی.”

د. شەوکەت جالیبانی بەرپرسی نەخۆشخانەی حەب، بە ئاژانسی فرانس پرێسی وت: “لانی کەم 17 تەرمیان بۆ توێکاری پزیشکی هێناوەتە نەخۆشخانەکە، هەروەها زیاتر لە 40 کەسیش بریندار بوون کە زۆربەیان گوستراونەتەوە بۆ کاراچی”.