محەمەد شیاع سوودانی فەرماندەی گشتی هێزە چەكدارەكان و سەرۆكوەزیرانی عێراق بڕیاریدا بە سەپاندنی قەدەغەی هاتووچۆ لە تەواوی پارێزگای كەركووك و ئەنجامدانی ئۆپەراسیۆنی ئەمنی بەرفراوان لە شوێنی خۆپیشاندانەكەی ئێوارەی ئەمڕۆی كەركووك.
لیوا یەحیا رەسوڵ وتەبێژی فەرماندەی گشتی هێزە چەكدارەكانی عێراق لەڕاگەیەندراوێكدا بڵاویكردەوە، محەمەد شیاع سوودانی هێزە ئەمنییەكانی پارێزگای كەركوكی ئاڕاستە كردووە، ڕۆڵی خۆیان لە درێژكردنەوەی ئاسایش و سەپاندنی یاسا بەسەر ئاژاوەگێڕانی پارێزگاكەدا بگرنەبەر.
بەوتەی لیوا یەحیا رەسوڵ، محەمەد شیاع سوودانی جەختی لەوەكردەوە، پێویستە هێزە ئەمنیەكان چاوكراوەبن لە دەستگیركردنی هەركەسێك كە ئاسایشی كەركووك تێكبدات لە هەر لایەكەوە بێت ڕێگە نەدەن بەهیچ شێوەیەك چەك هەڵبگرن، جگە لە دەزگا ئەمنییەكان”.
فەرماندەی گشتی هێزە چەكدارەكان بڕیاریدا بە سەپاندنی قەدەغەی هاتووچۆ لە كەركووك و دەستپێكردنی ئۆپەراسیۆنی ئەمنی بەرفراوان لەو ناوچانەی كە ئاژاوەگێڕیان بەخۆوە بینیوە بە مەبەستی پشكنینی ورد.
سوودانی داوای لە سەرجەم لایەنە سیاسییەكان و كەسایەتیە كۆمەڵایەتی و جەماوەرییەكان كرد، ڕۆڵی خۆیان لە ڕێگریكردن لە ناكۆكی و پاراستنی ئاسایش و سەقامگیری و ڕێكوپێكی لە پارێزگای كەركووك بگرنەبەر.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
