محەمەد شیاع سوودانی، سەرۆکوەزیرانی عێراق رایگەیاند، بڕیاری جەنگ و ئاشتی بە دەست دەوڵەت و دامەزراوە دەستوورییەکانییەتی، هەرکەسێک پێچەوانەی ئەوە کاربکات، رووبەڕووی دەوڵەت بووەتەوە.
سەرۆکوەزیرانی عێراق، لە سەردانەکەیدا بۆ پارێزگای واست لە کۆبوونەوەیەکدا لەگەڵ سەرۆک هۆز و پیاوماقوڵانی پارێزگاکە رایگەیاند، ئەوە دەوڵەت و دامەزراوە دەستوورییەکانییەتی بڕیاری جەنگ یان ئاشتی دەدات، وتى “هەر کەسێک پێچەوانەی ئەوە کاربکات و لەوە دەربچێت، ئەوا خۆی لەبەرامبەر دەوڵەت دەبینێتەوە”. کە بەوتەى سودانى “پشتئەستوورە لە یاسا و دامەزراوە دەستوورییەکانی لە جێبەجێکردنی ئەرکەکانیدا”.
سەرۆکوەزیرانی عێراق جەختیکردەوە، ناوچەکە بە قۆناغێکی هەستیاردا تێپەڕدەبێت، هەماهەنگی و هەوڵی هەمووانى بۆ رووبەڕووبوونەوەی مەترسییەکان بەپێویستزانیوە.
لە بەشێکی دیکەی وتەکانیدا سوودانی جەختیکردەوە لە هەڵوێستی “نەگۆڕی وڵاتەکەی بۆ رەتکردنەوەی دەستدرێژیی و هێرشە دڕەندانەکان کە دەکرێتە سەر گەلانی فەڵەستین و لوبنان” کردووەتەوە، ئاماژەى بەوەشکردووە، “لە ناوەندە نێودەوڵەتییەکانیش لەسەر هەڵوێستەکانی لەو رووەوە، سووربووە”.
ئەمە لە کاتێکدایە، لەسەرەتاى جەنگى غەززەوە، گرووپى مقاوەمەى عێراقى کە چەند هێزێکى چەکدارى تێدایە، ناوبەناو هێرش دەکاتە سەر بەرژەوەندییەکانى ئیسرائیل و ئەمریکا لەناوچەکە، لەم مانگەشدا بە درۆن هێرشیانکردە سەر پێگەیەکى ئیسرائیل لە بەرزاییەکانى جۆلان، بەو هۆیەوە ژمارەیەک ئەفسەر و سەربازیى ئیسرائیلى کوژران.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
