راوێژکارى راگەیاندنى سەرۆکوەزیرانى عێراق دەڵێت، ئەمڕۆ دووشەممە ئەنجومەنى وەزیرانی عێراق پڕۆژەیاساى بودجەى 2023 تاوتوێ دەکات بە مەبەستى پەسندکردنى.
زیا ناسرى، راوێژکارى راگەیاندنى محەمەد شیاع سوودانى، سەرۆکوەزیرانى عێراق ئەمڕۆ دووشەممە13-03-2023، لە تویتێکدا رایگەیاندووە، “پڕۆژەیاسای بودجەى گشتیى 2023ـى عێراق لە وەزارەتى داراییەوە نێرداوە بۆ حکومەت و ئەمڕۆ ئەنجومەنى وەزیران بۆ تاوتوێکردنى کۆدەبێتەوە”.
ناسرى ئاماژەی بەوەشکردووە، “چاوەڕوان دەکرێت پڕۆژەیاساى بودجەى گشتى پەسند بکرێت و دوای ئەوەش محەمەد شیاع سوودانى کۆنگرەى رۆژنامەوانى لەبارەیەوە ئەنجام دەدات”.