دواین زانیاری ئاگرەکەی 60 مەتری هه‌ولێر
شەوی رابردوو، ئاگر لە بازاڕی جوانکاریی ئۆتۆمبێل لە هەولێر کەوتەوە و بەهۆیەوە 23 کەس برینداربوون، بەوتەى خاوەن دووکانەکان، 32 دووکان و کۆگا سووتاون و زیانەکانى ئاگرەکە زیاتر لە هەشت ملیار دینارن.
ئاگرەکە، کاتژمێر نزیکەی 10:00ـی شەوی رابردوو کەوتەوە، هێشتا هۆکارەکەی دیار نییە، بەڵام زیانێکی زۆری بە شوێن و کۆگەی کەلوپەلی جوانکاریی ئۆتۆمبێل گەیاندووە.
دوای نزیکەی هەشت کاتژمێر ئاگرەکەی شەقامی 60 مەتری هەولێر کۆنترۆڵ کرا و بەپێ زانیارییەکان زیانی مادی زۆرە.